真係未見過黑膠唱片有咁誇嘅包裝，用到高透明亞膠力外盒，係一套5張黑膠連一本印刷精美的書刊，而且仲要透明紅色半透明唱片，真係睇見裝潢已經心動！
呢套紅膠係來自愛沙尼亞指揮帕佛·賈維（Paavo Järvi）由佢指揮不萊梅德意志室內愛樂樂團演奏舒曼交響曲全集，合共5張黑膠為一套，全球限量555套，原來數量得咁少，唔怪得包裝咁重本。
聽過之後，雖然是紅色透明膠，但碟面相當寧靜，所以好多細節都聽得好清楚，而弦樂組都錄得好靚，音場深度感都好強，各個樂組定位清晰，音樂解像度都相當之好，仍有好強嘅模擬味道，值得大家留意！